«Эйгэ» биэриигэ үп-харчы туһунан таһаарыытыгар харчыны ааҕарга үөрэнэбит. Үп-харчы боппуруоһа хаһан баҕарар биһиги олохпутугар сытыытык турар. Бүгүҥҥү таһаарыыга «АКФА» финансистар ассоциацияларын иһинэн аһыллыбыт финансовай кылаас хайдах үлэлиирин билистибит.
Туох барыта дьиэ кэргэнтэн саҕаланар, үп-харчы суота-учуота эмиэ. Кырачаан урбаанньыттар Ева уонна София Борисовалар ийэлэрэ Алла Борисовалыын студияҕа ыалдьыттаатылар.
Урбаанньыт дьиэ кэргэн Майя уонна Эдуард Егоровтар дьиэ кэргэн бүддьүөтүн туһунан кэпсээтилэр.
Урбаанньыттары быраап өттүттэн ханнык куттал күүтэрин туһунан адвокат Павел Стаценко сырдатта.