СӨ Бырабыыталыстыбатын бэрэссэдээтэлэ Кирилл Бычков В.А. Босиков аатынан Муусука Үрдүкү оскуолатын уһуйааччыларын, үөрэнээччилэрин, устудьуоннарын, выпускниктарын 30 сыллаах үбүлүөйүнэн эҕэрдэлээтэ.
Ил Дархан уонна СӨ Бырабыыталыстыбатын ааттарыттан оскуола кэлэктиибин үлэлэрин иһин махтанна уонна Россияҕа үөрэх кыһата сүдү суолталаах буоларын Кирилл Бычков бэлиэтээтэ.
«Россия бэрэсидьиэнэ Владимир Путин 2026 сыл ахсынньы 31 күнүгэр диэри Муусука Үрдүкү оскуолатын саҥа корпуһун тутуутун түмүктээн үлэҕэ киллэрэргэ соруйбута. Туһааннаах сорудах балаҕан ыйын 5 күнүгэр Уһук Илин куораттарын сайдыыларын боппуруостарыгар мунньахха бэриллибитэ», – диэтэ кини.
Кирилл Бычков этэринэн, Саха Өрөспүүбүлүкэтин бастакы бэрэсидьиэнэ Михаил Николаев көҕүлээһининэн тэриллибит Муусука Үрдүкү оскуолата региоҥҥа уонна Уһук Илиҥҥэ аптарытыаттах үөрэх кыһата буолара бигэргэммитэ уонна култуура, искусство эйгэлэригэр идэлээх каадырдары бэлэмниир.