Бүгүн, кулун тутар 10 күнүгэр, ыытааччы уонна суруналыыс Ксения Собчак өрөспүүбүлүкэ киин куоратыгар көтөн кэллэ.
Кини «Сахафильм» павильонугар Саха кинематографиятын бэрэстэбиитэллэрин кытта көрүстэ уонна кулун тутар 11 күнүгэр Амма улууһугар айанныаҕа.
Онно кини YouTube ханаалыгар уһулуоҕа уонна Саха киинэтин режиссера Дмитрий Давыдовы кытта көрсөр былааннаах. Кини киинэ индустрията өрөспүүбүлүкэҕэ сайда турарын туһунан «Кинотавр» бэстибээл кэмигэр бэлиэтээбитэ, «Пугало» киинэни үрдүктүк сыаналаабыта.
Дмитрий Давыдов «Кинотавр» Гран- при хаһаайына уонна «Меридианы Тихого» киинэ көрөөччүлэр биһирэбиллэрин бирииһин хаһаайына. «Пугало» киинэ тохсунньуга Норвегия Тромсугар буолан ааспыт аан дойдутааҕы TromsØ Internasjonale Filmfestivale киинэ бэстибээлигэр «Вера в кино» бириэмийэни ылбыта.
Ону таһынан, «Пугало» киинэ «Ника» бириэмийэ үс анал аатын ылар иһин туруулаһар.