Өрөспүүбүлүкэ олохтоохторун Москва куораттааҕы Кыайыы түмэлин Ийэ күнүгэр аналлаах онлайн-тэрээһинигэр ыҥыраллар. Бу туһунан тэрилтэ пресс-сулууспата иһитиннэрэр.
«Сэтинньи 28 күнүгэр интернет нөҥүө викториналар, маастар-кылаастар кыттыылаахтара буоларга уонна сэрии кэмигэр фронтан суруктары истэргэ ыҥыраллар», — диэн иһитиннэриигэ этиллэр.
Оҕолор кумааҕыттан сибэкки оҥоро уонна ийэлэрин кинигэлэригэр бэлиэ оҥорорго үөрэниэхтэрэ. Аҕа дойду Улуу сэриитигэр аналлаах айымньылары уонна сэрии кэмигэр ийэлэр үлэҕэ хорсун быһыыларын туһунан кэпсиэхтэрэ.
«Ромашка Победы. Семейная история войны» патриотическай аахсыйа чэрчитинэн юнармеецтар, кадеттар, волонтердар уонна түмэл үлэһиттэрэ саллааттар фронтан ийэлэригэр суруктарын быһа тардан ааҕыахтара.
Бырагыраамаҕа түмэл сайтын нөҥүө кыттыһыахха сөп.