Бүгүн, муус устар 1 күнүгэр, саха народнай суруйааччыта Иван Гоголев-Кындыл «Хара кыталык» романынан скульптураҕа «Кындыл кыталыктаах кырдалынан» аһаҕас күрэх түмүгэ Чочуга Иван Гоголев түмэлигэр буолан ааста.
Өрөспүүбүлүкэ араас муннугуттан 10 кыттааччы, 11 үлэ кыттыыны ылла. Манна Хаҥаластан, Намтан, Уус Алдантан, Тааттаттан уонна Бүлүүттэн кыттыыны ыллылар.
Муҥутуур кыайыылаах Афанасий Иванов «Хабырыыс уонна Хобороос» скульптурата буолла. Иккис миэстэ Алексей Слепцов оҥорбут «Кыһалҕа ойуун» үлэтэ, оттон үһүс миэстэ Мичил Корякин хоһуйбут «Хараанай» үлэтэ буолла.
