Поэт, прозаик Владимир Федоров муус устар ыйга өрөспүүбүлүкэҕэ буолан ааспыт «Тотальнай дьыктаан-2021» аахсыйа чэрчитинэн, «Арктика драматурдарын оскуолата» медиа бырайыак иккис таһаарыытыгар маастар-кылаас ыытта.
Таһаарыыны «Якутия 24» YouTube-ханаал ссылкатынан киирэн көрүөххэ сөп.
Владимир Федоров пьесаларын дойду тыйаатырдарыгар туруораллар уонна сыллар тухары тыйаатыр афишаларыттан түспэттэр. «Арктика драматурдарын оскуолатыгар» ааптар аан дойдуга биллэр айымньылары суруйуу кистэлэҥин үллэһиннэ.
Бу улахан кээмэйдээх бырайыак Россия ааҕааччыларыгар Арктика литературатын блиһиннэрэр, айымньылаах ыччакка драматургия эйгэтигэр сайдар саҕахтары арыйар сыаллаах.
Оскуоланы Бэрэсэдьиэн гранын пуондата өйөөбүтэ, онно суруйааччылар бииргэ ааҕыыга маастар-кылаас ыыппыттара. «Красин» мууһу солуур аалга Санкт-Петербург эдэр артыыстара уһуллубуттара.