Оҕо-аймах хайдах инникилээх буоларыгар ийэ уонна аҕа улахан оруолу ылар. Ийэ, аҕа истиҥ иэйиитинэн иллээх дьиэ кэргэн үөскүүр. Ити саргылаах санаанан салайтаран Россия төрүт сокуонугар «Дети являются важнейшим приоритетом государственной политики России» диэн бигэргэппиттэрэ.
Саха сиригэр оҕоҕо уонна кини киһи быһыытынан иитиллэр эйгэлэригэр — дьиэ кэргэнигэр, уһуйааныгар, оскуолатыгар болҕомто 90-с сыллартан үчүгэйдик ууруллар. Оннооҕор сокуонунан көмүскэлин сүрүннүүр соруктаах 2018 сыл күһүнүгэр, Ил Түмэн VI-с ыҥырыылаах мунньаҕа үлэтин саҕалаатын кытта дьиэ кэргэн уонна оҕо-аймах дьыалаларыгар туһуламмыт туспа сис кэмитиэт тэриллибитэ.
Быйыл дойду үрдүнэн бастакытын, алтынньы 17 күнүгэр, Аҕа күнэ бэлиэтэнэр.
Бүгүҥҥү биэриигэ дьиэ кэргэҥҥэ туһуламмыт туох-ханнык көмөлөр баалларын туһунан кэпсэттибит.