Саха сирин олохтооҕо, режиссер Максим Арбугаев «Выход» диэн кылгас киинэтинэн Оскар бириэмийэҕэ кыттар номинаннары кытта ланчка кытынна.
Лос-Анджелеска ыытыллар бириэмийэ үөрүүлээх аһыллыытын иннинэ үгэс быһыытынан номинаннарга ланч ыытыллар. Онно бириэмийэ лауреаттара көрсөн, кэпсэтэн, бэйэ-бэйэлэрин анал ааттарынан эҕэрдэлэһэллэр. Бу сыл кыттыылаахтарын иһигэр Анджела Бассет, Том Круз уонна Кейт Бланшет, ону тэҥэ режиссер Стивен Спилберг бааллар.
«Роджер Дикинсоны кытта көрсөн олус үөрдүм», — диэн английскай телеоператоры кытта көрсөн Максим Арбугаев үөрүүтүн үллэһиннэ.
Санатан эттэххэ, наҕарааданы туттарыы тэрээһинэ кулун тутар 13 күнүгэр буолар, онно Максим уонна Евгения Арбугаевтар «Выход» киинэлэрэ «Бастыҥ кылгас документальнай киинэ» анал аатка киирсэр.