Бүгүн, муус устар 26 күнүгэр, өрөспүүбүлүкэҕэ тупсаран оҥоһуллар уопсастыбаннай сирдэри уонна дизайн бырайыактары талар куоластааһын саҕаланна. Бу туһунан СӨ баһылыгын иһинэн үлэлиир Куораты тутуу уонна архитектура управлениетын пресс-сулууспата иһитиннэрэр.
Куоластааһыҥҥа 13 нэһилиэнньэлээх пуун уопсастыбаннай куйаара кыттыыны ылар — Дьокуускай, Алдан, Ленскэй, Миирнэй, Нерюнгри, Ньурба, Өлүөхүмэ, Покровскай, Миирнэй оройуонун Айхал бөһүөлэгэ, Майа сэлиэнньэтэ, Нам, Сунтаар уонна Чурапчы.
Киин куоракка федеральнай грант үбүлээһинигэр Кыайыы пааркатын уонна Сайсары күөл кытылын тупсаран оҥоруу бырайыактара киирсэллэр.
Сүүмэрдиир куоластааһын «Куорат тупсаҕай эйгэтин үөскэтии» бырагыраама чэрчитинэн, муус устар 26-тан ыам ыйын 30 күнүгэр диэри za.gorodsreda.ru биир кэлим платформаҕа ыытыллыаҕа. Элбэх куолас киирбит бырайыага федеральнай үбүлээһиҥҥэ тиксиэҕэ уонна 2022 сылга олоххо киириэҕэ.
Куоластааһыҥҥа 14 сааһын туолбут Саха сирин олохтооҕо кыттар. Маны 14.gorodsreda.ru сайтка оҥоруохха сөп.