Аллайыаха, Мииринэй, Нам, Нерюнгри, Ньурба, Сунтаар, Таатта, Уус Алдан, Чурапчы улуустарын уонна өрөспүүбүлүкэ кииннэрин муниципальнай архыыптара региоҥҥа бастыҥ буоллулар. Бастыҥ архыыптары сыл иһигэр үлэлээбит көрдөрүүлэрин түмүгүнэн быһаардылар.
Саха сирин бастакы бэрэсэдьиэнэ Михаил Николаев аатынан архыып бибилэтиэкэҕэ Николаев-Кииҥҥэ судаарыстыбаннай, муниципальнай архыып үлэһиттэрин мунньаҕар 2023 сыллааҕы үлэ түмүгүн таһаардылар. Итиэннэ өрөспүүбүлүкэ архыыбын үлэтин сүрүн сайдар хайысхаларын ыйдылар.
Дьон кыһалҕатын быһаарарга РФ архыыбын пуондатын информационнай кыаҕын сайыннарар, ону таһынан электроннай билим справочнигар дьон-сэргэ көҥүл киирэр кыахтаах буолалларын курдук үлэ барыаҕа.
Бэлиэтээн эттэххэ, Саха сирин архыыбын ситимэ икки судаарыстыбаннай уонна 36 муниципальнай, ону таһынан 1218 биэдимэстибэ архыыптаах.
Санатарбыт курдук, Михаил Николаев ыйааҕынан, 1993 сыллаахха Саха АССР судаарыстыбаннай киин архыыбын баазатынан Саха сирин национальнай архыыбын олохтообуттара. Архыып 1995 сыллаахха өрөспүүбүлүкэ сыаналанар эбийиэктэрин ахсааныгар киирбитэ.