Ханты Мансийскай куоракка «Уот иччитэ» киинэ бэстибээлигэр режиссер Айаал Адамов «Айыы Куо» тэттик киинэтэ «За новое звучание киноязыка» диэн анал дипломунан наҕараадаланна.
Россия уонна тас дойдулар режиссердара бастыҥ киинэлэри көрдөрдүлэр. Тэрээһин быйылгы тиэмэтэ – «национальнай кинематография ураты тыла»
«Айыы Куо» киинэ Айаал Адамов дипломнай үлэтэ. Сюжеты кылгастык кэпсээтэххэ, аҕыстыы-балыстыылар туһунан буолар. Кыра кыыс Санкт-Петербурга үөрэнэ сылдьан эдьиийэ өлбүтүн истэр. Эдьиийин көмүүтүгэр сылдьан баран түүн дьиэтигэр көрсө түһэр.
Бэлиэтээн эттэххэ, Айаал Адамов 1991 сыллаахха Дьокуускай куоракка төрөөбүтэ. 2003 сыллаахха Санкт-Петербургтааҕы киинэ уонна телевидение үрдүк үөрэх кыһатын бүтэрбитэ. Ол иннинэ «Россия» документальнай киинэ бэстибээлигэр «Белая земля» устудьуоннааҕы үлэтэ анал наҕараадаламмыта бэлиэтэнэр.