Саха сиригэр коронавирус ыарыыта тарҕаныытын утары ыытыллар дьаһалларга олоҕуран Былатыан Ойуунускай аатынан Саха академическай тыйаатыра өрөспүүбүлүкэ улуустарынан былааннаммыт гастрола ууратылынна. Бу туһунан СӨ култуураҕа уонна духуобунай сайдыыга министиэристибэтин пресс-сулууспата иһитиннэрэр.
«Үгэс быһыытынан хас саас ахсын Саха тыйаатырын труппата улуустарынан гастролга барар. Хомойуох иһин, тыйаатыр салалтата бары сырыыны тохтоторго күһэлиннэ», — диэн этиллэр.
Кулун тутар 17 күнүн туругунан Саха сиригэр коронавируһунан ыалдьыы түбэлтэтэ бэлиэтэммэт.
Санатан эттэххэ, 2020 сыл муус устар 10 күнүгэр диэри өрөспүүбүлүкэ үрдүнэн 50-тэн элбэх киһилээх култуурнай-маассабай уонна спортивнай тэрээһиннэри ыытыы бобуллубута.