Төгүрүк сыл тухары оҕуруот аһын үүннэрэр «Саюри» теплица комплекса быйыл 2,4 тыһыынча туонна бородууксуйа олордон таһаарарга былаанныыр.
«2023 сыл былаанынан, бары көрүҥ бородууксуйаларбытыттан 2,4 тыһыынча туонна аһы үүннэриэхтээхпит», — диэн хампаанньа бэрэстэбиитэллэрэ ТАСС суруналыыстарыгар кэпсээтилэр.
Өрөспүүбүлүкэҕэ Үлэ сылыгар анаммыт гражданскай форумҥа, «Саюри» тэрилтэ маркетинг салаатын салайааччыта Сергей Воронин эппитинэн, 2022 сылга оҥорон таһаарыы көрдөрүүтэ 2,1 тыһ.т.куоһарбыт — 1,7 тыһ.т. оҕурсу, 411 т. томат уонна 22 т. күөх үүнээйи.
Бородууксуйа киллэрбит харчыта 417-тэн тахса мөл.солк. тэҥнэспит. Сергей Воронин бэлиэтээбитинэн, комплекс Дьокуускай куорат олохтоохторо наадыйар сибиэһэй оҕуруот аһыттан 25%-нын хааччыйар. 2020 сылга хампаанньа тутуллубут блоктарын саҥардан саҕалаабыт. 2021 сылга үһүс бүтэһик комплекс тутуута бүппүт. Бу үлэ ыытыллан, оҥорон таһаарыы көрдөрүүтэ 66% буолбут.
Кулун тутар 2-3 күннэригэр Дьокуускайга сыллата ыытыллар гражданскай форум буола турар. Быйылгы тема — «Үлэ киһитэ — саҥа ыҥырыылар уонна кыахтар». Тэрээһиҥҥэ ырытыы балаһааккалара уонна араас хайысхаларынан сессиялар ыытыллаллар.