Туймаада ыһыаҕар «Саха инновации 2023» быыстапка үлэлээтэ, онно өрөспүүбүлүкэ саҥа оҥоһуллан тахсыбыт үлэлэрин билиһиннэрдилэр.
Быыстапка үгэс быһыытынан бэс ыйын бүтэһик субуотатыгар ыытыллар — бу күн дойдуга Айан таһаараччы уонна рационализатор күнэ бэлиэтэнэр. Экспозицияҕа ИТ, биотехнология уобаластар, ону тэҥэ оҥорон таһаарааччылар үлэлэриттэн 35-тэн тахса бырайыагы көрдөрүүгэ туруорбуттар.
Маны таһынан, быстаапка тэрийээччилэрэ ыалдьыттарга «МасИгра», VR-оонньуулар, «Битва роботов» остуол оонньууларын, бириистэрдээх күрэстэри уонна викториналары ыыталлар, СПОК «Тирэх» уонна «САХАЧАЙ» технопаарка резиденнэрин бородууксуйаларын амсаталлар.
Тэрээһин технопаарка балаһааккатыгар буола турар. Сынньалаҥ сиргэ ыалдьыттар Wi-Fi өҥөтүн уонна смартфон ииттэрэрин босхо туһаныахтарын сөп.