Саха сирин автономията тэриллибитэ 100 сылын көрсө Уус Алдан улууһун Найахы нэһилиэгэр коллекция мунньааччылар быыстапка тэрийдилэр. Бу туһунан улуус дьаһалтатын пресс-сулууспата иһитиннэрэр.
Быыстапкаҕа улуус, Найахы нэһилиэгин коллекцияны мунньааччылара кытыннылар.
Манна дьон-сэргэ мунньубут араас малларын, киэргэллэрин, манньыаттарын, таҥастарын-саптарын уо.д.а тэриллэри сэргии көрдүлэр.
««Умсулҕан» улуус коллекционердарын түмсүүтүн салайааччытын солбуйааччы Анна Федорова, былыргы маллары түмэр Елизавета Сивцева, харандааһы мунньар Татьяна Алексеева уо.д.а. кыттыыны ыллылар. Ураты дьарыктаах дьону көрөн нэһилиэк олохтоохторо урукку кэмнэрин эргитэ санаатылар, эдэр көлүөнэ историяны кытта билистэ», — диэн иһитиннэриигэ этиллэр.