Уус Алдан Бороҕонугар «Pets and World» (харамайдар уонна аан дойду) диэн тыыннаах муннук куруһуогар Мүрү алаас оскуолаларыттан элбэх оҕо сөбүлээн дьарыктанар. Ол курдук, амадин экзотическэй, сырдык араҕас түүлээх ырыаһыт чыычаахтар, долгуннурар попугайдар, аквариумҥа устар балыктар, муора сибиинкэтэ, джунгарскай хомяктар, африканскай шпорц баҕата, гименохириустар, кыһыл кулгаахтаах черепахалар, калифорния чиэрбэлэрэ уонна ахатин улитката олороллор. Ону тэҥэ араас сибэккини, оҕуруот аһын үүннэрэллэр.
Оҕолор тыынар тыыннаахтарын, үүнээйилэрин кэрэхсээн кэтииллэр, үөрэ-көтө көрөллөр-харайаллар. Бу соторутааҕыта Китти диэн муора сибиинкэлэрэ икки оҕолонон уөрүүлэрэ үксээн сылдьар.
Бу маннык куруһуок оҕоҕо тыынар тыыннааҕы кытта алтыһан, тулалыыр эйгэтин уөрэтэн, оҕо бэйэтин олоххо миэстэтин, суолтатын быһаарынарыгар кыаҕы биэрэр. Ис культууратын, билиитин-көрүүтүн хаҥатарга көмөлөһөр. Маны тэҥэ тыыннаах муннук көрөөччулэрэ научнай чинчийиилэри ыыталлар, араас хабааннаах кэнпириэнсийэлэргэ көхтөөхтүк кытталлар.