Саха сирин үүнэр көлүөнэ тыйаатыра «Остуоруйа королевствота» бүтүн Россиятааҕы оҕолорго ананар тыйаатыр искусствотын бэстибээлигэр ыҥырылынна. Бу туһунан тэрилтэ пресс-сулууспата иһитиннэрэр.
Тэрээһин ахсынньы 19-23 күннэригэр онлайн ыытыллыаҕа.
Тыйаатыр дьүүллүүр сүбэ сыанабылыгар хотугу норуоттар үһүйээннэригэр олоҕурарн Саха сирин искусствотын үтүөлээх деятелэ Александр Титигиров туруоруутугар «Дьол тааһа» испэктээкили көрдөрүөҕэ.
Бэстибээл сыллата Севастополь үүнэр көлүөнэ тыйаатырын эркинигэр Россия оҕолорго уонна ыччакка бастыҥ испэктээкиллэрин түмэр.
Кини сүрүн сыалынан үүнэр көлүөнэни тыйаатыр искусствотыгар сыһыарыы, оҕолорго эстетическэй, культурнай уонна интеллектуальнай ирдэбиллэри үөскэтии, ону тэҥэ төрөөбүт тылга уонна литератураҕа тапталы иитии буолар.