Уус Алдантан төрүттээх, дэгиттэр талааннаах Дьокуускайдааҕы култуура уонна искусство коллеһын «Төрүт култуура» салаатын 4-с кууруһун устудьуона, норуоттар икки ардыларынааҕы, Россия бэстибээллэрин кыайыылааҕа Чэмэлиинэ Атласова дойдутугар кэлэн фольклор араас көрүҥнэригэр бэйэтин билиитин, сатабылын көрдөрдө.
Ол курдук, араас нэһилиэктэринэн сылдьан маастар-кылаастары ыытта. Үөрэҕин практиката «Төрүт дорҕоон тойуга» диэн сахалыы доҕуһуоллаах, үрдүк таһымнаах кэнсиэринэн түмүктэннэ.
Бу киэһээ «Олоҥхо» этнокултуурнай киинигэр улуус 11 араас фольклор бөлөҕө, уопсайа 104 киһи хомус алыптаах дорҕоонун, ырыаны-тойугу, оһуохайы дьиэрэттэ.