Кулун тутар 31 күнүттэн өрөспүүбүлүкэҕэ «Российская архитектура. Новейшая эра» декада уонна быыстапка саҕаланар.
Бу сыллата ыытыллар тэрээһин көрсөн ырытыһыыга уонна уопут үллэстиигэ аналлаах балаһаакка буолар. Декада архитектор уонна дизайнер идэлэри киэҥник тарҕатыыга, исписэлиистэр кэмпитиэнсийэлэрин үрдэтии уонна бастыҥ практикалары билиһиннэрии буолар.
Бырагыраама чэрчитинэн, оскуола үөрэнээччилэрин уонна устудьуоннар икки ардыларыгар профильнай олимпиада, архитектура бэрээдэгинэн тутуллубут оскуолаҕа экскурсия, ону тэҥэ, «Проект Россия» бэчээт изданиетын кытта үөрэх эйгэтин тутууларын аныгылыы бырайыактааһын туһунан кинигэни тэҥҥэ таһаарбыт ATRIUM архитектурнай мастарыскыай лиэксийэтэ буолуоҕа.
Декада сүрүн тэрээһиннэриттэн биирдэстэрэ архитектордар уонна дизайнердар икки ардыларыгар бастыҥ архитектурнай уонна дизайн-бырайыактар күрэстэрэ буолар.
Ону таһынан, муус устар 3-4 күннэригэр Ил Дархан Айсен Николаев иһинэн үлэлиир архитектура уонна куорат тутуутун управлениета LETO куорат эйгэтин боппуруостарынан кэмпитиэнсийэлэр киинин кытта сүрүннүүр архитектордарга семинар ыытыаҕа.
Декада Ил Дархан Айсен Николаев иһинэн үлэлиир архитектура уонна куорат тутуутун управлениетын, LETO куорат эйгэтин боппуруостарынан кэмпитиэнсийэлэр киинин, СӨ дизайнердарын сойууһун, СӨ архитектордарын сойууһун иһинэн үлэлиир архитектура уонна дизайн оҕо оскуола-устуудьуйатын, ХИФУ, АГИКИ, ЯХУ, АГАТУ өйөбүллэринэн ыытыллар.
Декада муус устар 7 күнүгэр түмүктэнэр.