|
Саха худуоһунньуга Мира Аргунова «Многоликая Россия» быыстапката муус устар 8 күнүттэн 15.00ч. РФ уопсастыбаннай палаататыгар үлэлиэҕэ. Быыстапка үс араас көрүҥнээҕэ биллэр. Бастакы бырайыакка дизайн стыковкатыттан, графикаттан уонна академическай маслянай живописьтан оҥоһуллубут 33 хартыына киирсэр. Иккис көрүҥ академическай маслянай живопись тиэхиникэнэн оҥоһуллубут, 18-с фигуративнай хартыынаттан турар. Cаха сирин норуодунай артыыһа, өрөспүүбүлүкэ Опера уонна балет тыйаатарын премьера Сарыал Афанасьев 16-та хартыынаҕа модель буолбута биллэр. Хас биирдии хартыына саха өс хоһоонун көрдөрөр. Үһүс коллекцияҕа Россия баай култуурата, норуоттар доҕордоһуулара ойууланар. Саха сирин бөдөҥ эбийиэктэригэр анаммыт «Сила Сибири» уонна «Мост через реку Лена» хартыыналар ураты интэриэстээхтэрэ биллэр. Россия худуоһунньуктарын сойууһун чилиэнэ Мира Аргунова уонна өрөспүүбүлүкэтээҕи офтальмологическай балыыһа «Таинственное зеркало души» бырайыактара, «Россия — страна возможностей» национальнай бириэмийэҕэ 100-с бастыҥ оҥоһук иһигэр киирбитэ бэлиэтэнэр. Куоластааһын бу сигэнэн бара турар https://m.vk.com/app51761631#/category/23/nominant/90 |