Россияҕа Дьиэ кэргэн, Саха сиригэр Оҕо саас сылларыгар анаммыт «Пусть всегда будет МАМА» диэн өрөспүүбүлүкэтээҕи куонкурус муус устар 29 күнүттэн ыам ыйын 20 күнүгэр диэри ыытыллыаҕа.
Куонкуруска оҕо сааһа хааччахтаммат. Ол курдук, былырыын өрөспүүбүлүкэ араас сириттэн иккилэриттэн 18-гар диэри саастаах оҕолор уруһуйдарын ыыппыттара. Уопсайа 150 тахса үлэни туппуттара.
Тэрийээчилэр бэлиэтээн этэллэринэн, оҕо бэйэтин өйдөбүлүнэн ийэтин хайдах баҕарар уруһуйдуон сөп. Итиэннэ араас уруһуй тиэхиникэтин, художественнай матырыйааллары туттар көҥүллэнэр.
Куонкурус сүүмэрдиир уонна түмүктүүр түһүмэхтэн туруоҕа. Кыттааччылар үлэлэрэ саайтка уонна музей социальнай ситимнэригэр тахсыаҕа. Түмүк уһуйаан уонна оскуола оҕолоро диэн саастарынан арахсан тахсара бэлиэтэннэ.