Россия киинэ тыйаатырдарыгар арҕаа дойдулар киинэлэрин оннуларыгар олохтоох киинэлэр көстүөхтэрэ. Бу туһунан РФ култууратын министиэристибэтэ иһитиннэрэр.
Арҕаа дойдулар киинэлэрин көрдөрүү хааччахтаммытын кэнниттэн дистрибьютердар Россия киинэлэрин көрдөрөр былааннаахтар. Кулун тутардааҕы график тахса илик.
«Релизтар графиктарыгар уларытыылар киириэхтэрин сөп», — диэн иһитиннэриигэ этиллэр.
Ол курдук, кулун тутар саҕаланыытыгар прокакка Александр Золотухин «Брат во всём» уонна Соня Карпунина «Хочу замуж» киинэлэрэ тахсаллар.
Санатан эттэххэ, Россияҕа Walt Disney Company, Marvel, Pixar, Lucasfilm, Maker Studios, Sony Pictures уонна да атын устуудьуйалар киинэлэрин көрдөрүү хааччахтаммыта.