Олунньу 1 күнүгэр Дмитрий Давыдов уонна Степан Бураншев режиссердаах «Ыт» киинэ KION, Wink уонна PREMIER онлайн киинэ тыйаатырдарга тахсыаҕа.
Бу туһунан «Искусство кино» сурунаал иһитиннэрэр.
Киинэни Аммаҕа уһулбуттара. Барыта холбоон 70 артыыс кыттыбыта. Ол курдук, оруолларга Амма олохтоохторо, Саха тыйаатырын артыыстара оонньообуттара.
Киинэ сүрэхтэниитэ Варшаватааҕы норуоттар икки ардыларынааҕы киинэ бэстибээлигэр буолбута. Саха сирин киинэтэ «За чистый кинематографический взгляд на простую повседневную жизнь» диэн дьүүллүүр сүбэ анал бирииһин уонна NETPAC түмсүү дипломун ылары ситиспитэ.