Владимир Мункуев уһулбут киинэтэ «Нуучча» «Кинотавр» 32-с киинэ бэстибээлигэр «Бастыҥ режиссура» анал аакка кыайда.
Бэҕэһээ, балаҕан ыйын 25 күнүгэр, киинэ бэстибээл сабыллыыта Сочи Кыһыҥҥы театрыгар ыытылынна. «Нуучча» киинэ куонкурус сүрүн бырагырааматыгар кыттыбыта, онно уопсайа 15 киирбит. Гран-при Николай Хомерики уһулбут «Море волнуется раз» киинэтэ буолла.
Киинэ сюжета Польша суруйааччыта уонна этнограф Вацлав Серошевскай айымньыларыгар олоҕурда.
XIX-с үйэ бүтүүтүнээҕи Дьокуускай уобалаһа көстөр. Киинэҕэ, иккис оҕолорун кистээн баран Саха сирин тыйыс айылҕатыгар уонна томороон тымныытыгар тыыннаах хаалаары салгыы туруулаһар Хабдьыйа уонна Кэрэмэс тустарынан кэпсэнэр.
Биирдэ олохтоох кинээс кинилэри кытта сокуон быһыытынан олоруохтаах Костя диэн нууччаныны аҕалар. Уопсай тылы булуу хара маҥнайгыттан табыллыбат, бу киһи бэйэтэ дьиэ хаһаайына буоларга сананар.