Дойду тэбэр сүрэҕэр Москваҕа ыытыллыбыт “Клинок—традиции и современность” диэн үгэскэ кубулуйбут норуоттар икки ардыларынааҕы быыстапкаҕа Нам улууһуттан тимир ууһа Александр Михайлов ситиһиилээхтик кытынна.
Александр Анатольевич Москва куораттан телефонунан бу курдук кэпсээтэ:
«Саха сириттэн “Мин Бизнеһим» тэрилтэ уонна уустар сойуустарын өйөбүллэринэн 9 тимир уустара буолан кытынныбыт. Быыстапкаҕа аҕалбыт быһахтарбытын хайдах туох оҥорбуппутун, оҥорорбутугар тугу туһаммыппытын, туохха аналлааҕын, ойуутугар-бичигэр, кыыныгар тиийэ сиһилии кэпсээтибит, сытыылаан көрдөрдүбүт.
Бастыҥнары талыы күрэҕэ хас да хайысханан ыытылынна. Мин «Национальный нож” диэн номинация күрэҕэр «Авторский нож» диэн категорияҕа иккис миэстэ буоллум. Бу быыстапкаҕа мин иккис кыттааһыным. Бастаан Нам улууһун тимир уустарын салайааччыта, норуот маастара Михаил Баишевы (1 Хомустаах) кытта кэлэн ситиһиилээхтик кыттыбыппыт.
Источник: https://t.me/namskiyulus/46994