Бүгүн, сэтинньи 13 күнүгэр, «Нам» совхоз директорынан, улуус бастакы баһылыгынан таһаарыылаахтык үлэлээбит, Саха Республикатын норуотун хаһаайыстыбатын үтүөлээх үлэһитэ, үлэ бэтэрээнэ, РСФСР үөрэҕириитин туйгуна, РСФСР потребкооперациятын туйгуна, «Бочуот знага» орден кавалера, Саха АССР народнай депутата, I Хомустаах, Таастаах нэһилиэктэрин, Нам улууһун Ытык киһитэ, «Знак признания заслуг», «Гражданскай килбиэн» бэлиэлэр хаһаайыннара Дмитрий Федотович Алексеев төрөөбүтэ 88 сылын туолла.
«Киһи биирдэ бэриллэр олоҕун сиэрдээхтик, чиэстээхтик уонна бэйэтин кэнниттэн суол-иис хаалларар гына олоруохтаах уона хас биирдии киһи маннык дьоһуннук олорорго дьулуһуохтаах” диэн санаанан салайтаран, Дмитрий Федотович олоҕун бүтүннүү төрөөбүт улууһа чэчирии сайдарын, бар дьоно нус-хас олорорун туһугар анаабыта.
Кини салайар дьоҕура эрдэттэн биллэн, «Нам» совхозка директорынан 15 сыл устата таһаарыылаахтык үлэлээбитэ.
Источник: https://t.me/namskiyulus/47012