Бүлүү улууһун Тыымпы нэһилиэгин Иннокентий Боронов аатынан «Ырыа түһүлгэтэ» култуура киинэ сырдык, сылаас, аныгылыы тутуулаах саҥа дьиэлэннэ.
Ырыа куттаах Тыымпы өрөспүүбүлүкэ үрдүнэн биллэр, манна биллиилээх олоҥхоһуттар, саха эстрадатын үгүс сулустара төрөөбүттэрэ, онон култуура биһигэ буолбут нэһилиэккэ саҥа кулууп арыллара олус суолталаах.
Кулууп РФ бэрэсидьиэнэ Владимир Путин көҕүлээбит «Култуура» национальнай бырагыраама федеральнай бырайыагынан тутулунна.