«Бөртөлүөт» уус-уран киинэ дьон дьүүлүгэр, улахан экраҥҥа тахсаары турар. Киинэ режиссера Михаил Лукачевскай, сценарийын ааптара Иннокентий Васильев. Киинэ араас таһымнаах бэстибээллэргэ кыттан ситиһиилэннэ: «Киношок» СНГ, Балтия дойдуларын киинэтин аһаҕас бэстибээлигэр бастыҥ, «Золотая лоза» наҕарааданы, «Пресса бастыҥ бирииһэ», «Бастыҥ режиссер үлэтэ», «Бастыҥ эпэрээтэр үлэтэ» анал ааттары ылбыта. Итиэннэ, Арктикатааҕы норуоттар икки ардыларынааҕы «Золотой ворон» Россия Уһук Хоту сиригэр киинэ V-c бэстибээлигэр тэрийээччи хамыыһыйа анал бирииһигэр тиксибитэ, «Окно в Европу» бэстибээлгэ киинэ кириитиктэрэ уонна киноведтар интэрниэт куоластааһыннарын билиниитин ылбыта. «Бөртөлүөт» киинэ туһунан сиһилии бу биэриигэ көрүҥ.