Горнай улууһун олохтооҕо 46 сыл ыстаастаах «Крепыш» оҕо уһуйаанын иитээччитэ Ангелина Захарова-Уһуйаана кырачааннарга аналлаах «Оҕону тулалыыр эйгэ» диэн икки, үс саастаах оҕолорго аналлаах алтыс кинигэтэ сүрэхтэннэ.
Тэттик хоһооннору түмэр кинигэ сахалыы, нууччалыы, ангылычаан тылларынан таҕыста.
Кинигэ ис барылын биир идэлээҕэ Селена Павлова уруһуйдаан киэргэттэ.
Оҕоҕо өйдөнүмтүө тыллаах, судургутук хатанар хоһооннору иитээччилэр да, кырачааннар да сэҥээрдилэр.
Кинигэ сүрэхтэниитигэр Мэҥэ Хаҥаластан, Намтан, Дьокуускайтан кэлэн биир идэлээхтэрэ, айар түмсүүлэрэ эҕэрдэлээтилэр.
Оҕо уонна дьиэ-кэргэн сылларыгар ананан тахсыбыт кинигэ кырачааннары иитиигэ сүрүн тирэх буолуоҕа.