Россия бэрэсидьиэнэ Владимир Путин «Бүтүн Россиятааҕы «#МыВместе» хардарыта көмөлөсүһүү аахсыйатын тэрийиигэ үтүө кылаатын иһин» өйдөбүнньүк мэтээлинэн СӨ култуураҕа уонна духуобунай сайдыыга министиэристибэтэ бэлиэтэннэ. Бу туһунан министиэристибэ пресс-сулууспата иһитиннэрэр.
«#МыВместе» аахсыйа чэрчитинэн Саха сирин култууратын волонтердара саастаах дьоҥҥо көмө оҥоруу өрөспүүбүлүкэтээҕи хамсааһыныгар кыттыһан «#Культураспешитнапомощь» аахсыйаны тэрийбиттэрэ. Тэрээһиҥҥэ өрөспүүбүлүкэ култууратын салаатын бары тэрилтэлэрэ кыттыыны ыллылар.
«Саха сирин култууратын волонтердарын ахсаана элбии туруо, билигин да 400-чэ киһилээхпит да, бу хайысхаҕа салгыы инники күөҥҥэ сылдьыахпыт диэн бигэ эрэллээхпин. Бэрэсидьиэн мэдээлин ылыы — улахан наҕараада. Тэрилтэбит хас биирдии үлэһитинэн, култуура волонтердарынан киэн туттабын», — диэн СӨ култуураҕа уонна духуобунай сайдыыга миниистирэ Юрий Куприянов волонтердарга уонна салаа үлэһиттэригэр махталын тиэрдэр.
Маны сэргэ, мэтээллэри Саха сирин национальнай библиотекатын, Судаарыстыбаннай циркэ, Эстрада тыйаатырын, Емельян Ярославскай аатынан хотугу норуоттар культураларын уонна историяларын үөрэтэр судаарыстыбаннай музей үлэһиттэрэ ыллылар.