Ыл туойуох, сэгэриэм, туох баарынан,
Мандардаах оһуор кут тугу ыйарынан.
Хайдах санаа киирэн кэлэринэн,
Ханнык тылы дууһа этэринэн.
Ыл туойуох, сэгэриэм
Отой киэргэппэккэ
Онон-манан эргиппэккэ
Сөбүлэтэ сатаан баҕардыбакка.
Ыл туойуох, сэгэриэм,
Ыл туойуох, сэгэриэм.
Ыл туойуох, сэгэриэм, олус судургутук.
Аргыый аҕай, турар чуумпу чуҥкук.
Таммалата үктэннэрэн, тэтимнээхтик,
Сэгэлдьитэ дибдитэн сэргэхтик.
Ыл туойуох, сэгэриэм
Истиҥник, ис санаа иэйиитин
Симиктик
Саймаархай дууһаттан наҕыллык.
Ыл туойуох, сэгэриэм,
Ыл туойуох, сэгэриэм.
Ыл туойуох, сэгэриэм
Отой киэргэппэккэ
Онон-манан эргиппэккэ
Сөбүлэтэ сатаан баҕардыбакка.
Ыл туойуох, сэгэриэм,
Ыл туойуох, сэгэриэм.
Ыл туойуох, сэгэриэм, туох баарынан,
Мандардаах оһуор кут тугу ыйарынан.
Хайдах санаа киирэн кэлэринэн,
Ханнык тылы дууһа этэринэн…