Туймаада ыһыаҕын чэрчитинэн, «Туймаада ыһыаҕын оһуокайа» этээччилэр күрэстэригэр бастыҥ оһуохайдьыттары талыахтара.
«Бу сылга күрэс биллэр оһуохайдьыкка Афанасий Алексеев — Аан Дархаҥҥа ананар. Кини баарына 80-с сылларга аныгылыы оһуохай сөргүтүллүбүтэ. Билигин биһиги кэлэр көлүөнэбитигэр ураты култуурабытын тиэрдэргэ дьулуһуохтаахпыт», — диэн Ил Дархан Айсен Николаев эттэ.
Ол курдук, күрэс кэмигэр дьүүллүүр сүбэ оһуохай толоруутун, ис хоһоонун, тыл баайын, куолас чуорун, илии уонна атах хамсааһынын, этээччи хатылааһына хаачыстыбатын сыаналаабыттар. Бастыҥнары бэс ыйын 25 күнүгэр биллэриэхтэрэ.
Санатан эттэххэ, 2022 сылга Айсен Николаев олоҥхоһуттары, оһуохай этээччилэри уонна уустары өйүүр судаарыстыбаннай өйөбүл миэрэлэрин ылыммыта, ол чэрчитинэн 20 маастар сыл устата ый аайы 30.000 солк. истипиэндийэ ылаллар.