Анал байыаннай дьайыы саҕаланыаҕыттан Дьокуускай куоракка олорор ийэлэр, эбээлэр, эдьиийдэр, волонтердар үтүө санааны үксэтэн «Илии сылааһа» диэн улахан хамсааһыны саҕалаабыттара.
Кинилэр көҕүлээһиннэринэн элбэх улууска иис сыахтара тэриллэн анал байыаннай дьайыыга сылдьар биир дойдулаахтарбытыгар хаачыстыбалаах таҥас-сап тигэллэр, наадалаах малынан көмөлөһөллөр.
Билигин анал бырайыак быһыытынан улуустарынан сылдьан иистэнэргэ, көмөлөһөргө дьону көҕүлүүллэр. Онон СВО-ҕа сылдьар байыастарбытыгар нэһилиэнньэ өттүттэн көмө уҕараабат.
Бу күннэргэ «Илии сылааһа — 2024» диэн анал байыаннай дьайыыга сылдьар дьоҥҥо аналлаах таҥаһы тигиигэ өрөспүүбүлүкэтээҕи күрэх саҕаланыаҕа. Ыыталлар тэрээһин Аҕа дойду көмүскээччи күнүн көрсө буолар. Күрэҕи Ирина Саввина салайар.