Кистиибин санааларбын
Тоҕо диэтэр куттанабын
Баҕар миигин сөбүлүөн суоҕа
Ылыныан суоҕа диэммин
Кистиибин санааларбын
Долгуйабын кыбыстабын
Ол иһин туораттан кистээн сэмээр көрөбүн
Баҕар хаһан эмит өйдүөҕүн диэммин
Утары көрүстэрбин аттыгынан ааһарым
Барбытын кэннигиттэн көрөн эрэ хааларым
Ол тураммын санаабар уруһуйдаан көрөрүм
Хайдах курдук илиигиттэн сиэтэ мин ыларбын
Хаста даҕаны мин чугаһыы сатаатым
Хаста даҕаны мин билинэ сатаатым
Хаһан даҕаны мин билимэппин быһылаах
Хаһан даҕаны мин хаһан даҕаны мин
Кистиибин санааларбын
Тоҕо диэтэр куттанабын
Баҕар миигин сөбүлүөн суоҕа
Ылыныан суоҕа диэммин
Кистиибин санааларбын
Долгуйабын кыбыстабын
Ол иһин туораттан кистээн сэмээр көрөбүн
Баҕар хаһан эмит өйдүөҕүн диэммин
Алҕас эн мин диэки көрдөргүн
Долгуйаммын умса мин көрөбүн
Астынарбын сөбүлүүрбүн барытын сэрэйэҕин
Ол иһин ол онтон күлэн эрэ хаалаҕын
Умайабын эн аттыгар
Умайабын санаабынан
Билбэккин эн билбэккин эн
Умайарбын умайарбын
Умайабын эн аттыгар
Умайабын санаабынан
Билбэккин эн билбэккин эн
Умайарбын умайарбын
Кистиибин санааларбын
Тоҕо диэтэр куттанабын
Баҕар миигин сөбүлүөн суоҕа
Ылыныан суоҕа диэммин
Кистиибин санааларбын
Долгуйабын кыбыстабын
Ол иһин туораттан кистээн сэмээр көрөбүн
Баҕар хаһан эмит өйдүөҕүн диэммин