«Среда возможностей» куонкуруска коммерческайа суох уонна бүддьүөт тэрилтэлэрэ сайаапка биэриэхтэрин сөп. Бу туһунан Биир кэлим ресурснай киин пресс-сулууспата иһитиннэрэр.
Уһук Илиҥҥи федеральнай уокурукка куонкурус операторынан «Социальнай хайысхалаах коммерческайа суох тэрилтэлэри өйүүр уонна Саха сиригэр гражданскай көҕүлээһини сайыннарар биир кэлим ресурснай киин» буолар.
«Бу Саха сирэ Тимченко пуондатын кытта бастакы бииргэ үлэлэһиитэ буолар, онон улахан эппиэтинэстээх. Куонкурус оҕо көрүүтүгэр уонна санаатыгар туһаайыылаах буолан олус суолталаах. Бары көхтөөх кыттыыны ыларгытыгар ыҥырабыт», — диэтэ киин салайааччыта Ольга Вешникова.
Кыайыылаахтары түөрт бөлөҕүнэн быһаарыахтара: алталарыгар диэри саастаах оҕолор бырайыактара, алталарыттан 13 саастарыгар диэри, 14-18 саастаах оҕолор бырайыактара, итиэннэ саастарыттан тутулуга суох оҕолор бырайыактара.
Грант уопсай кээмэйэ 50 мөлүйүөн солкуобайга тэҥ. Сайаапканы от ыйын 24-тэн балаҕан ыйын 24-гэр диэри хомуйуохтара, оттон кыайыылаахтары атырдьах ыйын 31 күнүгэр быһаарыахтара.
Санатан эттэххэ, куонкурус алта федеральнай уокурукка тэриллэр: Киин, Хотугулуу Арҕааҥы, Приволжскай, Ураллааҕы, Сибиирдээҕи уонна Уһук Илиҥҥи.