Түүн уу чуумпуга
Хоспор сытан мин саныыбын
Дьол диэн бу тугуй
Ким этиэҕэй ким кэпсиэҕэй
Мин өйдөбүлбэр дьол диэн бу курдук
Хас биир түгэни сөпкө туттуу
Хомолтону кыйдаан кыраттан да үөрүү
Араас атыҥҥа аралдьыйбакка
Сыалгын соруккун мээнэ ыыппакка
Барытын ситиһэн уоскулаҥы ситэр
Доҕорум дьоллоон саай
Иннигэр турар таабырыны таай
Судургутук олоҕу көрдүөххэ
Бука барыта бэйэн илиигэр
Кыраттан үөрэ үөрэ
Хас биирдии түгэни сөпкө тутун
Оччоҕуна барыта табыллыа
Дьолун иннигэр дьэ арыллыа
Күн тыгарыныы
Тула баары сырдатыаҕыҥ
Дьол диэни билэн
Эн мин дэһэн арыллыаҕыҥ
Соҕотохпун диэҥҥин сананыма
Бэйэҕэр хатанан эн хаалыма
Тулаҕар баар дьонун
Ол баар дии эн дьолун
Күүстээх өйөбүл көмө буоланнар
Илиилэрин эйиэхэ уунаннар
Сатамматы сатыан
Кыаллыбаты кыайыан
Доҕорум дьоллоон саай
Иннигэр турар таабырыны таай
Судургутук олоҕу көрдүөххэ
Бука барыта бэйэн илиигэр
Кыраттан үөрэ үөрэ
Хас биирдии түгэни сөпкө тутун
Оччоҕуна барыта табыллыа
Дьолун иннигэр дьэ арыллыа