Россельхознадзор Амур уобалаһынааҕы уонна Саха сиринээҕи салалтата хаар ууллан, уот туран тарҕанар кутталлаах кэмэ саҕаламмытынан тыа хаһаайыстыбатын сирин туһанааччылары – хаһаайыстыбалар салайааччыларын, үлэһиттэрин уонна сирдээх дьону уоттан сэрэхтээх буолуу дьаһалларын тутуһуохтаахтарын санатар.
РФ бырабыыталыстыбатын “Баһаары бохсор эрэсиим быраабылаларын бигэргэтии туһунан” диэн 2022 с. балаҕан ыйын 16 күнүнээҕи 1479 №-дээх уурааҕынан сэтиэнэҕи, хадьымалы өртөөһүн бобуллан турар. Өрт уота курааҥҥа уонна тыаллаах күҥҥэ кэҥээн-тэнийэн, ойуурга уонна нэһилиэнньэлээх пууннарга өтөн киирэн, сөҕүмэр хоромньуну таһаарарын таһынан дьон-сэргэ олоҕор суоһуур улахан иэдээҥҥэ кубулуйарын умнумаҥ.
Россельхознадзор исписэлиистэрэ кэмиттэн кэмигэр тыа хаһаайыстыбатыгар аналлаах сирдэр сыыс отунан уонна талаҕынан саба үүнэллэриттэн сэрэтэр дьаһаллары ыыталлар. Ирдэбили тутуспат сирдээх дьону сэрэтэбит уонна кэһиилэрин туораппатахтарына, административнай эппиэтинэскэ тардабыт.
Тыа хаһаайыстыбатын сирин туһанааччыларга сир аналынан туһаныллыахтааҕын туһунан сир сокуонун ирдэбиллэрин булгуччу тутуһуохтаахтарын уонна уот турар кутталын туоратыыга суһал дьаһалы ылыныахтаахтарын өссө төгүл санатабыт.
Семен ПАВЛОВ,
Россельхознадзор Амур уобалаһынааҕы уонна Саха сиринээҕи салалтатын сир кэтэбилигэр уонна пестициди туһаныыны хонтуруоллааһыҥҥа салаатын иниспиэктэрэ
Сообщение Россельхознадзор сэрэтэр: тыа хаһаайыстыбатын сирин туһанааччылар, өртүүртэн туттунуҥ! появились сначала на Улус Медиа.