Саха литературатын классига А.И.Софронов-Алампа төрөөбүтэ 140 сылыгар сэтинньи 14 күнүгэр сарсыарда 10 чаастан Национальнай библиотека история саалатыгар суруйааччы талыллыбыт айымньыларын (хоһооннор, кэпсээннэр, драмалар) Брайль ньыматынан мөлтөхтүк көрөр дьоҥҥо аналлаах бөлтөркөй сириибинэн бэчээттэммит кинигэтин сүрэхтэниитэ буолар. Тэрээһин СӨ Ил Дархана Айсен Николаев ыйааҕынан биллэриллибит Култуура сылын чэрчитинэн ыытыллар.
Кинигэ сүрэхтэниитигэр оскуола үөрэнээччилэрэ, устудьуоннар, Алампа айымньыларын кэрэхсээччилэр хоһооннорун ааҕыахтара, ырыаларын ыллыахтара, байаанынан сүрэхтэн сүппэт ырыалар ылланыахтара.
«Ытыктабыллаах Дьокуускай куорат олохтоохторо уонна ыалдьыттара, Алампа үрдүк аатыгар сүгүрүйээччилэр, тэрээһиҥҥэ көхтөөх кыттыыны ыларгытыгар», — диэн тэрийэр бөлөх ыҥырар.
Өссө ааҕыҥ: Анемподист Софронов — Алампа дьыалата
Сообщение Алампа айымньылара Брайль ньыматынан бэчээттэннилэр появились сначала на Новости Якутии и Якутска — свежие новости онлайн на сайте ulus.media — Улус Медиа.