Саха сиригэр судаарыстыба племенной сулууспата төрүттэммитэ 75 сылыгар анаммыт өрөгөй мунньах бүгүн бырабыыталыстыба улахан саалатыгар ыытылынна. Үөрүүлээх дьаһалга өрөспүүбүлүкэ тыатын хаһаайыстыбатын бэтэрээннэрин, племенной үлэ чулууларын, бастыҥ хаһаайыстыбалар салайааччыларын сэргэ Арассыыйа тыатын хаһаайыстыбатын миниистирин солбуйааччы Роман Некрасов салайааччылаах улахан бөлөх кытынна.
Кинилэр ортолоругар акадьыамыктар, чилиэн-кэрэспэдьиэннэр, институттар дириэктэрдэрэ бааллар. Дойду 8 эрэгийиэниттэн, ол иһигэр Москуба, Санкт-Петербург куораттартан, 24 бочуоттаах ыалдьыт кэлбит.
Ил Дархан Айсиэн Николаев мунньах кыттыылаахтарын эҕэрдэлииригэр Арассыыйа Уһук Хоту уонна Аартыка эҥээригэр бастакынан тэриллибит племенной сулууспа уларытыы-тэлэритии сылларыгар араас харгыстары көрүстэр даҕаны, өрөспүүбүлүкэ племенной киинэ буолар суолтатын сүтэрбэккэ, аҕа көлүөнэ саҕалаабыт, атаҕар туруорбут дьыалатын дьоһуннаахтык салгыырын бэлиэтээтэ.
Маннык түгэҥҥэ буоларын курдук, племенной сулууспаҕа уһуннук, бэриниилээхтик үлэлээбит бэтэрээннэргэ, бастыҥ исписэлиистэргэ дойду, өрөспүүбүлүкэ таһымнаах уонна биэдэмистибэ наҕараадалара туттарылыннылар.
Сарсын, от ыйын 3 күнүгэр, “Сахаагроплем” тэрилтэ саалатыгар “Сүөһү иитиитин Уһук Хоту сир усулуобуйатыгар билим көмөтүнэн сайыннарыы” диэн Арассыыйа билимин акадьыамыйатын сүөһүнү иитиигэ, аһылык тиһигэр уонна тыа хаһаайыстыбатын экэниэмикэтигэр салаатын зоотехнияҕа уонна бэтэринээрийэҕэ сиэксийэтин көһө сылдьар мунньаҕа күнү быһа буолуоҕа.
Василий Никифоров
Анна Сергучева (ТХМ пресс-сулууспата) хаартыскаҕа түһэриилэрэ.
Сообщение Хотугу өрөспүүбүлүкэҕэ племенной сулууспа төрүттэммитэ 75 сылын бэлиэтээһин чэрчитинэн появились сначала на Улус Медиа.