Быйыл өрөспүүбүлүкэ үрдүнэн 65,7 тыһ. туонна үүт тутуллара былааннанар. Ол гынан баран, билиҥҥи туругунан, 53 тыһ. туонна үүт соҕотуопкаланарыгар суоттаммыт 3,7 млрд солкуобай кээмэйдээх үбүлээһин бүддьүөттэн көрүллэн турар. Онон эбии 12,7 тыһ. туонна үүккэ 907,7 мөл. солкуобай эрэйиллэр.
Ити даҕаны буоллар, быйыл үүт соҕотуопката ааспыт сыллааҕар тэтимнээхтик баран иһэрин улуустартан бэс ыйын 24 күнүгэр түмүллэн, бүгүн чуолкайдаммыт отчуот көрдөрөр. Ол курдук, былырыын бу кэмҥэ соҕотуопкаламмыт кирбиини 156,53 туоннанан куоһаран, 21 611,34 туонна ыаммытынан үүт тутулунна, эбэтэр сыллааҕы былаантан 36,13 бырыһыана.
Барыта 19 улууска уонна Дьокуускай куорат уокуругар 56 тэрилтэ үүтү тутар уонна учуоттуур. Улуустарынан тэҥнээтэххэ, сыллааҕы былааннарын Ленскэй 58,52, Өлүөхүмэ 52,59, Мииринэй 52,50, Хаҥалас 44,51, Сунтаар 43,83, Бүлүү 38,87, Нам 37,11, Мэҥэ Хаҥалас 36,55 итиэннэ Дьокуускай куорат 39,42 бырыһыанныытын толорон, инники иһэллэр. Оттон Таатта 27,77, Үөһээ Бүлүү 25,86, Амма 25,52, Үөһээ Дьааҥы 20,24 бырыһыаннаах хаалыылаахтар кэккэлэригэр сылдьаллар.
Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэринэн, бүддьүөттэн көрүллүбүт үптэн 54 бырыһыана, 1,9 млрд солкуобай, субвенция быһыытынан мунциципальнай тэриллиилэргэ тиксэриллибит.
Василий Никифоров
Сообщение Үүтү тутуу былырыыҥҥытааҕар тэтимнээхтик баран иһэр появились сначала на Улус Медиа.