2026 сыл саҕаланыаҕыттан «Аҕа дойдуну көмүскээччилэр» байыаннай дьайыы кыттыылаахтарын өйүүр Судаарыстыбаннай пуонда филиалыгар 23 тыһыынча кэриҥэ сурук киирбит. Мантан 90% хайыы-үйэ быһаарыы ылыллыбыт.
Бу туһунан «Аҕа дойдуну көмүскээччилэр» пуонда филиалын салайааччыта Алексей Александров иһитиннэрэр.
—Биһиги бойобуой дьайыы бэтэрээннэригэр, байыаннай дьайыыга олохторун толук уурбут уонна сураҕа суох сүппүт байыастар дьиэ кэргэттэрин чилиэннэригэр өйөбүлү уонна көмөнү оҥоруу үлэтин салгыыбыт. Биһиги филиалбыт социальнай координатордара өрөспүүбүлүкэ улуустарыгар уонна куораттарга 13 тыһыынчаттан тахса киһини, ол иһигэр байыаннай сулууспаттан тохтообут 2 тыһыынча 400 бэтэрээни арыаллыыллар, — диэн этэр Алексей Александров.
Кини иһитиннэрбитинэн, сураҕа суох сүппүттэри көрдөөһүҥҥэ көмөлөһүү уонна сүрүннээһин чэрчитинэн, пуонда социальнай координатордара байыаннай сулууспалаахтар дьиэ кэргэттэрин чилиэннэрин арыаллыыллар.
Эбии информацияны 506-506 төлөпүөнүнэн сарсыарда 09.00 ч. киэһэ 18.00 ч. диэри ылыахха сөп. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Сиһилии: https://www.sakha.gov.ru/news/63824