Дьокуускайга полиция үлэһиттэрэ цифровой тиэхиньикэ маҕаһыыныттан табаары уорууга уорбаланааччыны туппуттар.
4 №-дээх полиция отделын дьуһуурунай чааһыгар цифровой уонна бытовой тиэхиньикэ маҕаһыынын бэрэстэбиитэлиттэн 3 тыһыынча солкуобай сыаналаах портативнай музыкальнай колонка уоруллубутун туһунан сайабылыанньа киирбит.
Полиция үлэһиттэрэ суһал-иридиир үлэлэрин түмүгүнэн, уорбаланааччы Верхоянскай оройуонуттан төрүттээх 47 саастаах киһи буоларын быһаарбыттар. Бу урут киһи доруобуйатыгар соруйан эмсэҕэлээһини оҥорон холуобунай эппиэтинэскэ тардылла сылдьыбыт киһи эбит.
Быһаарыллыбытынан, бу киһи маҕаһыыҥҥа атыы-эргиэн саалатыгар сылдьан, портативнай колонканы тас таҥаһын анныгар кистээн баран маҕаһыынтан тахсан барбыт. Кини бу ылбытын ааһан иһэр киһиэхэ атыылаабыт, харчытын бэйэтин баҕатынан ороскуоттаабыт.
РФ ХК 158 ыст. 1 ч. («Кража») холуобунай дьыала тэриллибит.
СӨ ИДьМ пресс-сулууспата