СӨ ыччат ыччат дьыалатын уонна социальнай алтыһыытын миниистирэ Петр Шамаев Үөһээ Бүлүү улууһугар байыаннай дьайыы бэтэрээннэрин кытта көрүстэ.
“Бэтэрээннэр историялара өрөспүүбүлүкэҕэ судаарыстыбаннай миэрэлэр көмөлөрүнэн хайдах бэйэлэрин кыахтарын олоххо киллэрэлэрин көрдөрөр”, — диэн социальнай ситимнэринэн Петр Шамаев бэлиэтээбитэ. Эр санааланыы уордьанын кавалера Николай Евсюков социальнай хантараагынан Үөһээ Бүлүүгэ массыынаны өрөмүөннүүр мастарыскыайы аспыт. Быйыл киниэхэ саҕалаан эрэр урбаанньыттар бырагыраамалара көмөлөспүт. “Бу бырагырааманан эбии харчыланным. Бу үбүнэн инструменнары, оборудование атыыластым. Манна шиномонтажтаахпын, сыбааркалыыр үлэлэри ыытыахпын сөп”, — диэтэ Николай Евсюков.
Байыаннай дьайыы бэтэрээнэ Айаал Мохначевскай Үөһээ Бүлүү улууһун үөрэх управлениетын начаалынньыгын солбуйааччынан үлэлиир. Кини үөрэх эйгэтигэр 18 сыл үлэлээбитэ – история уонна обществознание учуутала этэ. 2018 с. Айаал Мохначевсскай “Сыл учуутала” өрөспүүбүлүкэтээҕи куонкурус кыайыылааҕынан буолбута. 2024 с. “Барс-2” этэрээккэ киирбитэ. Харьковскай хайысхаҕа сулууспалаабыта. “За отвагу” мэтээллээх. 2025 с. күһүнүгэр кини үөрэх управлениетын начаалынньыгын иитэр үлэҕэ солбуйааччынан анаммыта”, — диэтэ Петр Шамаев.
sakha.gov.ru
Сиһилии: https://www.sakha.gov.ru/news/57752