Саха сирин тирэх пууннарын үлэһиттэрэ байыаннай дьайыы зонатыгар биир нэдиэлэ иһигэр Арассыыйа сэбилэниилээх күүстэрин быстах олорор пууннарыгар 10 тахсата айаннаатылар. Байыаннай сулууспалаахтарга өрөспүүбүлүкэттэн 73 аадырыстаах баһыылка тиэрдилиннэ.
Бу туһунан бүгүн, балаҕан ыйын 17 күнүгэр, брифиҥҥэ «Юстас» диэн позывнойдаах байыаннай дьайыы зонатыгар Саха сирин тирэх пууннарын сүрүн координатора иһитиннэрдэ.
«Өрөмүөннүүр бөлөх мэхээнньиктэрэ үс бойобуой тиэхиньикэни чөлүгэр түһэрдилэр. Ону таһынан өссө биэс массыынаны чөлүгэр түһэрии барар», — диэн сүрүн координатор бэлиэтээтэ.
«Юстас» этэринэн, сураҕа суох сүппүт өрөспүүбүлүкэ байыастарын көрдөөһүн тохтоло суох ыытыллар.
«Арассыыйа Оборонаҕа министиэристибэтин Сүрүн координациялыыр киинин бэрэстэбиитэллэрин кытта бииргэ үлэлэһэн, сураҕа суох сүппүт байыастары уонна ханнык балаһыанньаҕа сүппүттэрин быһаарыы, көрдөөһүн дьаһаллара ылыллаллар», — диэн Саха сирин тирэх пууннарын сүрүн координатора «Юстас» эттэ.
Саха сириттэн сылдьар байыаннай дьайыы кыттыылаахтарын Ил Дархан Айсен Николаев салайааччылаах «Кыайыыга – Бииргэ!» диэн өрөспүүбүлүкэтээҕи хамыыһыйа өйүүр.
Сиһилии: https://www.sakha.gov.ru/news/63430