Саха сиригэр ааспыт суукка иһигэр 3 холуобунай буруйу оҥоруу бэлиэтэннэ. Ол дьыалалары бэрэбиэркэлээһини уонна силиэстийэлээһини борокуратуура хонтуруоллуур. Ону таһынан, өрөспүүбүлүкэ үрдүнэн итирик туруктаах уруулга олорбут 15 суоппар тутулунна.
Суукка иһигэр тахсыбыт сүрүн быһылааннар:
- Мэҥэ Хаҥалас улууһугар Бэдьимэ сэлиэнньэтигэр 1957 с.т. эр киһи түөһүгэр быһаҕынан анньыллан, дириҥник бааһыран, балыыһаҕа киирдэ. Кинини быһахтаабыт уорбаланааччы тутулунна.
- Дьокуускай куоракка: 2025 с.т.кыыс оҕо оргуйбут итии уулаах ыстакааны бэйэтигэр тоҕо тардынан, улаханнык буһан балыыһаҕа киирдэ.
- Ленскэй улууһугар Витим бөһүөлэгэр Ленин уулуссатын биир дьиэтин таһыгар ыар суол быһылаана таҕыста. Массыына ыытар бырааба суох сылдьан 1995 с.т. дьахтар «Тойота Королла» массыынанан суолтан туораабыт уонна түҥнэстибит. Ол түмүгэр суоппар уонна кинини кытта айаннаан иһэр 1996 с.т. дьахтар иккиэннэрин тыыннара быһынна.
- Удачнай куоракка массыынаны итирик туруктаах иккиһин ыытыы чахчылара билиннэ.
Саха Өрөспүүбүлүкэтин Борокуратуурата.