Үс күн устата «Биир ньыгыл Арассыыйа» Ситуационнай киинэ 784 быыбардыыр учаастактартан уонна баартыйа муниципальнай ыстааптарыттан быыбар хайдах баран иһэрин туһунан иһитиннэриини суукканы эргиччи хомуйуоҕа.
«Маннык кииннэри тэрийии биһиэхэ үгэскэ кубулуйда. Бу быыбар дьэҥкэтин уонна түмүгүн сокуоннайын хааччыйар өссө биир мэхэниисим. Ситуационнай киин үлэһиттэрэ – кэтээн көрүүгэ уопуттаах тэрийээччилэр, юристар, суруналыыстар уонна интэриниэти кэтээн көрөр исписэлиистэр, уопсастыбаннай диэйэтэллэр. Хас биирдии мөккүөрдээх быһыыны-майгыны булгуччу бэлиэтиэхпит уонна бэрэбиэркэлиэхпит. Биһиги дьон итэҕэлин сыаналыыбыт», — диэн «Биир ньыгыл Арассыыйа» эрэгийиэннээҕи ситэриилээх кэмитиэтин салайааччыта Надежда Селютина бэлиэтээтэ.