Арассыыйа Силиэстийэлиир кэмитиэтин Саха Өрөспүүбүлүкэтинээҕи силиэстийэлиир управлениетын Дьокуускай куораттааҕы силиэстийэлиир отдела 1985 сыллаах төрүөх эр киһиэхэ көбүтүллүбүт холуобунай дьыалатын силиэстийэлиир.
Эр киһи РФ Холуобунай кодексатын 111-с ыстатыйатын 4-с чааһынан (соруйан доруобуйаҕа улахан буортуну оҥоруу, сэрэҕэ суохтан өлүүгэ тиэрдии) буруйданар.
Силиэстийэ чахчыларынан, 2026 сылга балаҕан ыйын 15 күнүгэр Дьокуускай куорат Ильменскэй уулуссатыгар баар кыбартыыраҕа эр дьон мустан арыгылаабыттар. Онно икки эр киһит иирсээн турбуттар.
Этиһии кэмигэр буруйданааччы эмсэҕэлээччини төбөтүгэр, этигэр-сиинигэр хаста да охсубут. Ол кэннэ барбыт. Хаалбыт дьон бары утуйа хаалбыттар. Хомойуох иһин, сарсыарда көрбүттэрэ эчэйбит доҕордоро өлбүт эбит.
Суһал көмө үлэһиттэрэ кэлэн, эр киһи өлүүтэ криминалы кытта сибээстээҕин быһаарбыттар.Полиция үлэһиттэрэ буруйданааччыны тутан, силиэдэбэтэлгэ аҕалбыттар.
2026 сыл балаҕан ыйын 18 күнүгэр силиэдэбэтэл көрдөһүүтүнэн суут буруйданааччыга хаайар миэрэни анаабыт.