«Орто дойду» зоопаркаҕа Саргуля уонна Илюша диэн ааттаах бизоннарга тыһы ньирэй төрөөтө. Зоопарка салалтата бизон оҕотугар аат толкуйдуурга куонкурус биллэрдэ.
Бизон оҕото бэс ыйын 1 күнүгэр — Оҕо көмүскэлин күнүгэр төрөөбүт эбит. Билигин ийэтин үүтүн тото-хана иһэн, номнуо улаатан эрэр, күөх окко тойтоһуйа сүүрэр. Оҕо-оҕо курдук, киһи эрэ таптыах үчүгэйкээн көрүҥнээх.
Бизон оҕотугар ким диэн ааты биэриэххитин баҕараргытын от ыйын 11 күнүгэр диэри konkurs-ortodoidu@mail.ru. электроннай буостаҕа ыытыҥ. Хас да ааты толкуйдуоххутун сөп, биир бастыҥы талан ылыахтара.
«Орто дойду» зоопарка урут үрүҥ эһэ оҕолорун ааттыырга эмиэ бириистээх куонкурус биллэрэн турар.