Дьааҥыга тутааччылар аттаах киһи көмүллүбүтүн булбуттарын туһунан өрөспүүбүлүкэ култуурунай нэсилиэдийэтин эбийиэктэрин харыстыыр управление салайааччыта Николай Макаров иһитиннэрдэ.
Бу булумньу барыллаан 18-с үйэтээҕи көмүү буолар.
«Дьааҥы чугаһыгар даамба тутуутугар бульдозерынан үлэ кэмигэр былырыгы киһи уҥуоҕун булбуттарын туһунан иһитиннэрбиттэрэ. Тутааччылар ону тыыппатахтар, тута биллэрбиттэр. Билигин онно археологтары ыытар туһунан боппуруоһу быһаарабыт. Тымныылар түһэ иликтэринэ чинчийиэххэ наада. Биллэринэн, аты кытта киһини көмүү сахаларга 18-с үйэҕэ диэри тарҕана сылдьыбыт. Баҕар, онтон да былыргы буолуон сөп», — диэн салайааччы иһитиннэрэр.