Томпо улууһугар уһуннук түспүт ардахтар уонна хайа үрэхтэригэр уу таһыма үрдээбитин түмүгэр, «Дьааҥы» массыына суолун 42-с километрыттан 188-с километрыгар диэри айанныыр уустугурда. Бу туһунан Саха сиринээҕи «Управтодор» тэрилтэтэ иһитиннэрэр.
«Билигин ханнык баҕарар мааркалаах тырааныспарга айан-сырыы уустугурда, суол алдьанна», — диэн суруллар биэдэмистибэ иһитиннэриитигэр.
Ордук уустук балаһыанньа суол 181-с уонна 183-с километрдарыгар буолла. Онно ардах уута суолу бүтүннүү суурайан кээспит.
